影片
更多
2021-01-22
1303 瀏覽
我一直都好admire 破格嘅人，欣賞佢哋嘅勇氣！自從睇完Anthony Bourdain 多年前嘅介紹，我已經好想慕名一試Alvin Leung, Bo Innovation 分子料理。我終於有機會喇！仲咁啱遇到「The Big Red Hong Kong Wedding 」呢個主題，我真係十二萬分期待！每一道菜都係一件藝術品。天馬行空得嚟竟然可以配合得咁天衣無縫。Alvin 唔單止係一位廚師，佢簡直係一位魔術師，所以「廚魔」呢個名，Alvin 大廚真係名符其實！「點解咁都可以諗到嘅？」我真係每食一道菜我都變心心眼😍第一道菜係「婚姻滋味」。一段婚姻冇可能永遠都係甜蜜嘅，只有童話先會真係Happily Ever After。苦、酸、辣、咸、甜，先係一段真正關係嘅體驗。我食嘅時候真係好感動，點解食物可以釋出婚姻嘅真諦？第二道係「帶來兒子」。結婚之後生子，雖然現今社會唔係每一對夫妻都會選擇生BB，但係如果屋企多個小朋友，得確會多好多歡樂。帶子當然係主角，半生熟，好鮮甜。清湯加入女兒紅，鮮味更上一層樓。第三道係「龍鳯呈祥」。龍蝦有兩種煮法；一個係用牛油煮；一個係用蒸，兩款都好鮮嫰，我比較喜歡
每一道菜都係一件藝術品。天馬行空得嚟竟然可以配合得咁天衣無縫。Alvin 唔單止係一位廚師，佢簡直係一位魔術師，所以「廚魔」呢個名，Alvin 大廚真係名符其實！「點解咁都可以諗到嘅？」我真係每食一道菜我都變心心眼😍
第一道菜係「婚姻滋味」。一段婚姻冇可能永遠都係甜蜜嘅，只有童話先會真係Happily Ever After。苦、酸、辣、咸、甜，先係一段真正關係嘅體驗。我食嘅時候真係好感動，點解食物可以釋出婚姻嘅真諦？
第二道係「帶來兒子」。結婚之後生子，雖然現今社會唔係每一對夫妻都會選擇生BB，但係如果屋企多個小朋友，得確會多好多歡樂。帶子當然係主角，半生熟，好鮮甜。清湯加入女兒紅，鮮味更上一層樓。
第三道係「龍鳯呈祥」。龍蝦有兩種煮法；一個係用牛油煮；一個係用蒸，兩款都好鮮嫰，我比較喜歡蒸嗰款，因為唔係全熟，有D似carpaccio 。下面嘅蒸雞肉慕絲非常滑，好和諧，好似一段健康嘅婚姻？！一切都順利，美好？！
第四道菜「雙魚得水」。上枱時，個碟已經好配合菜名。雙魚係石斑魚同魷魚；兩款魚肉都十分嫰滑，味道不容置疑。我反而未食過呢款一粒粒嘅中東意大利粉，煙煙靭靭，好特別。加上明太子蕃茄汁，酸酸甜甜，我食晒全碟！
第五道「鮑羅萬有」。鮑魚片切到薄薄，好似花瓣一樣，下面墊底嘅係做到好似mashed potato 嘅綠豆蓉，口感軟滑又唔漏。魚子醬加上金箔，富貴高尚，意頭十足。
第六道菜「七囍」，係7-up 加Gin。個杯好得意，好似以前皇帝用嘅杯。Gin 係Perfume Tree Gin，香港本土製造，入面加咗七款香料，有雪呢拿、香茅、八角、肉桂同其他香料去釀製，好香好特別。7-up係用美國懷舊汽水樽裝住，好有心思。食咗幾道菜之後飲一杯，take a break，又可以繼續食。
第七道係「鴻運當頭」，入面有5樣豬肉食品。其中一款韭菜豬紅炸卷，我唔敢試。因為我真係接受唔到豬紅，不過我老公話呢個炸卷囗感似金沙豆腐。旁邊嘅韭菜醬易中和咗豬紅嘅味道。我比較鍾意黑包嗰舊炆乳豬。乳豬卷起，入面有甜甜嘅橙桔蓉，食落口唔會膩。
第八道係「幸福美滿」，有十種唔同嘅稻米加埋米糊喺底，口感豐富。大廚靈感係來由飲宴到最後都會有炒粉麵飯，所以就有呢款飯味十足嘅菜式。
第九道菜係「連綿不絕」，係飲宴嘅炒麵。炸麵配上龍眼乾碎同椰子雪糕。麵條炸到好似一條彈弓，代表婚姻關係時鬆時緊，不會斷裂。
第十道係「不吃魚翅」。我都已經好耐冇再食魚翅，大家都唔好再濫殺鯊魚喇！呢個甜品真係好似做到一碗翅咁，魚翅係用椰青水整，濃湯就係菠蘿汁。Piña Colada 嘅變奏版。
第十一道係「百福添丁」即係「梅菜扣肉」即係朱古力慕絲加話梅乾粒放入Baby’s food Jar。我已經好飽，所以只係淺嘗即止。老公幫我包埋手尾☺️
最後就係「五世其昌」，食落好似食緊豬腳薑醋。有薑醋糖漿、薑味慕絲、雪糕、同煮軟咗嘅蘋果。本來好飽嘅我都忍唔住食埋呢個甜品。酸酸甜甜幫助消化。呢一味好特別嘅甜品，令到呢個「婚宴」俾人留下深刻圓滿嘅印象。
張貼