影片
更多
2018-10-04
1076 瀏覽
上年因為一啲不愉快嘅事件令我冇再去呢度食嘢.今次返嚟因為實在非常口痕,放工想食個粢飯.當時已經八點半,粢飯已經賣曬.唯有選擇second choice嘅酸辣湯麵加雲吞啦.都係因為太夜,淨係得幼麵同埋米線.非常大粒雲吞,相對嚟講皮都係超級厚,餡料夠曬多,而且有好多蔥,聞到陣陣嘅香蔥味.撇除咗皮太厚嘅問題之外,味道同埋口感都唔錯.酸辣湯裏面仲有切得超大條嘅豆腐乾,仲有好多筍絲同木耳絲.豆腐乾係我嘅最愛,而且我鍾意食爽口嘢,扺讚.不過非常可惜嘅係主角嘅面同埋酸辣湯真係好唔掂.唔知道係咪因為臨近收工,啲麵浸喺酸辣湯度太耐,個面餅吸曬湯汁變曬咗成餅嘢黏埋一齊壓住喺碗底,無論點樣撈都撈唔散,除非你有攪爛曬啲麵嘅覺悟.當你成嚿麵餅撩起嘅時候,你就會見到原本係面頭嘅酸辣湯流曬落最底,再冚返個面餅上去既話,所有酸辣湯會好似即時消失曬咁,好似變魔術咁,好神奇,好失敗.
今次返嚟因為實在非常口痕,放工想食個粢飯.當時已經八點半,粢飯已經賣曬.唯有選擇second choice嘅酸辣湯麵加雲吞啦.都係因為太夜,淨係得幼麵同埋米線.
非常大粒雲吞,相對嚟講皮都係超級厚,餡料夠曬多,而且有好多蔥,聞到陣陣嘅香蔥味.撇除咗皮太厚嘅問題之外,味道同埋口感都唔錯.
酸辣湯裏面仲有切得超大條嘅豆腐乾,仲有好多筍絲同木耳絲.豆腐乾係我嘅最愛,而且我鍾意食爽口嘢,扺讚.
不過非常可惜嘅係主角嘅面同埋酸辣湯真係好唔掂.唔知道係咪因為臨近收工,啲麵浸喺酸辣湯度太耐,個面餅吸曬湯汁變曬咗成餅嘢黏埋一齊壓住喺碗底,無論點樣撈都撈唔散,除非你有攪爛曬啲麵嘅覺悟.當你成嚿麵餅撩起嘅時候,你就會見到原本係面頭嘅酸辣湯流曬落最底,再冚返個面餅上去既話,所有酸辣湯會好似即時消失曬咁,好似變魔術咁,好神奇,好失敗.
張貼
