魔衣櫥咖啡廳 (已結業)

餐廳除左食物，環境都係令人留下深刻印象既一環。魔衣櫥咖啡廳，餐廳環境如其名，充滿魔幻感。電梯門一開，映入眼簾既係一個濃厚古典色彩既衣帽間，彷彿置身於魔幻國度。推門進內，魔幻氣圍依然不減。大至天花板高既復古書櫃，小至用餐既餐具，飲品名稱，無一不圍繞住魔幻呢個主題。書櫃內暗藏玄機，VIP房原來收埋係書櫃之內，裝潢設計非常認真，處處都充滿驚喜👍🏻呢間餐廳主打法國菜，有5 Course 同 3 Course 套餐可以選擇。上菜既時候，店員都會一一為客人介紹菜式。頭盤係香煎吞拿魚伴西米脆片，魚肉口感軟稔，三文魚籽夠新鮮，連脆片都係自家製👍🏻栗子湯，栗子味道濃厚，口感綿滑，忌廉味突出。馬賽海鮮湯，由多款魚類熬煮而成，海鮮非常鮮甜，其中蜆就最得我歡心。慢煮法國黃雞胸雞肉香氣逼人，肉汁豐富，連醬汁都係自家雞骨熬煮而成，可見廚師對食物既堅持同用心。慢煮野生灰雕魚配搭藜麥，健康又好味。白酒忌廉汁藍青口意粉醬汁掛滿每條意粉，忌廉味濃郁，麵條好彈牙，我最鐘意既一道菜。培茶芝士餅芝士餅配上洛山花茶醬，培茶味不算濃，感覺有少少膩。-無論裝修設計，食物製作都非常用心😊食物質素相當有水準，令人滿意，非常推薦呢間餐廳。