影片
更多
2014-12-15
181 瀏覽
時至今日，已經有成年多，Frozen「魔雪奇緣」仍然吹得咁熾熱，周邊商品仍然不停大賣。美心西餅亦趁依股熱潮跟迪士尼合作，推出咗一系列以「魔雪奇緣」為主題嘅蛋糕及甜品，相信又有唔少小朋友嚷著叫嗲哋媽咪買嚟食呀！小弟亦有幸跟愛莎女皇同安娜公主晌寒冬一會，一嚐魔雪味力。Frozen水晶世界甜品杯，原價$42 / 杯，現金價 $68 / 2杯，其實以精緻嘅水晶球為甜品造型，對細路仔好有吸引力，況且，食完個「水晶球」作擺設又得，作小飾物盒都得。早前嘅味道喺白朱古力慕絲及朱古力慕絲，但最近稍稍一改，推出聖誕新口味：楊枝甘露布甸及石板街慕絲，比起白朱古力慕絲，味道更啱小弟。其實單睇外觀，聖誕新口味跟初版原先口味無乜分別，同樣一白一啡，前者白朱古力薄片加棉花糖，後者朱古力薄片加棉花糖。Frozen水晶世界甜品杯（楊枝甘露布甸口味）粉藍色嘅水晶世界甜品杯，以愛莎女皇為主角，最得意喺裡面「愛莎女皇」頭像公仔其實喺隻小匙羹。白朱古力薄片底下，雖然話喺楊枝甘露布甸，不過，食完晒感覺覺得單純似芒果布甸多啲，味道及質感都不俗，既有香濃芒果味，滑而挺身，但若然加多少少柚子肉、西米粒，感覺跟「楊枝甘露」更神似。Fro
小弟亦有幸跟愛莎女皇同安娜公主晌寒冬一會，一嚐魔雪味力。Frozen水晶世界甜品杯，原價$42 / 杯，現金價 $68 / 2杯，其實以精緻嘅水晶球為甜品造型，對細路仔好有吸引力，況且，食完個「水晶球」作擺設又得，作小飾物盒都得。
早前嘅味道喺白朱古力慕絲及朱古力慕絲，但最近稍稍一改，推出聖誕新口味：楊枝甘露布甸及石板街慕絲，比起白朱古力慕絲，味道更啱小弟。其實單睇外觀，聖誕新口味跟初版原先口味無乜分別，同樣一白一啡，前者白朱古力薄片加棉花糖，後者朱古力薄片加棉花糖。
Frozen水晶世界甜品杯（楊枝甘露布甸口味）粉藍色嘅水晶世界甜品杯，以愛莎女皇為主角，最得意喺裡面「愛莎女皇」頭像公仔其實喺隻小匙羹。白朱古力薄片底下，雖然話喺楊枝甘露布甸，不過，食完晒感覺覺得單純似芒果布甸多啲，味道及質感都不俗，既有香濃芒果味，滑而挺身，但若然加多少少柚子肉、西米粒，感覺跟「楊枝甘露」更神似。
Frozen水晶世界甜品杯（楊枝甘露布甸口味）
$42
50 瀏覽
2 讚好
0 留言
Frozen水晶世界甜品杯（石板街慕絲口味）深藍色嘅水晶世界甜品杯則有齊愛莎女皇及安娜公主，杯身更唔少得幾位好友：採冰人斯基托夫、馴鹿斯特及雪人雪寶。依個個人覺得較為好食，因為原來唔單止有朱古力慕絲，最下層更有朱古力餅底，內裡混有朱古力脆珠及碎果仁粒，口感多變，如果慕絲之內加少少棉花糖，更有「石板街」嘅風味。
Frozen水晶世界甜品杯（石板街慕絲口味）
$42
51 瀏覽
2 讚好
0 留言
兩款水晶世界甜品杯喺期間限定嘅聖誕新口味，應吓節買俾小朋友喺個得人歡心嘅選擇。不過，如果人多搞派對嘅話，除買個大蛋糕之外，偶然見到美心新出一款「聖誕果酥禮盒」（$98），一盒有12件迷你丹麥酥，當中包含多款新鮮水果配搭，唔使切，又唔使分，方使自由取食，真喺好適合開派對用。
好快，下星期就喺聖誕節，唔知你又準備好派對嘅甜品未？
題外話/補充資料：
Frozen「魔雪奇緣」系列除上述嘅水晶世界甜品杯之外，仲有：
- 魔雪奇緣1.5磅雜果蛋糕（$288）；
- 愛莎與雪寶白色冬日（$288 / 磅，2 – 5磅），全港限量發售900個；
- 安娜與基斯托夫冰雪之旅（$288 / 磅，2 – 5磅），全港限量發售900個；
- 愛莎女皇3D立體蛋糕（$1,280），全港限量發售500個。
現已接受訂購，最後取餅日期為2015年1月31日。
(以上食評乃用戶個人意見 , 並不代表OpenRice之觀點。)
張貼
