九井水産 (已結業)

放假去尖沙咀行街shopping, 到食晏時間周圍都迫滿人，加上熱辣辣既天氣，真係好想搵個有冷氣既地方靜靜地坐下，享受下午餐。咁岩見到九井水產有位又企理，就二話不說入黎食😊係menu見到有赤富士幾得意咁就試下，味道酸酸甜甜，幾開胃同解渴，有d似cranberry juice既味。前菜有海膽豆腐、魷魚沙律、青瓜牛蒡。海膽新鮮，有淡淡海水味，入口香甜，豆腐又白又滑，好香黃豆味。之後就係刺身拼盤，有甜蝦、吞拿魚、依佐木，每樣都好新鮮，尤其係吞拿魚，入口即溶。依佐木有種好特別既鮮味，好新奇味噌湯入面有蜆肉，仲有白滑豆腐粒天婦羅炸得好乾脆，唔會食完成口油，後排有麵條，好新奇有趣第一次試汁煮魔鬼魚，魚肉都算實，可以一條一條完整夾起。調味汁非常滋味，用黎撈飯食 十碗都食得落！最最最值得一讚係茶碗蒸，入口即溶到好似飲湯咁，又有蛋香同濃郁既冬菇味，好想食完又再食呀到最後既甜品 和菓子，有櫻花、杮、抹茶、蜜柑，賣相好可愛，最鍾意蜜柑既清甜，好fresh ！