拉麵台風 (已搬遷) 新店位置

第一次黎到，見到門口已經排左五，六個人，抱著試下心態，排隊期間，待應已經派左張落單紙俾我落單，點左個魚介豬骨拉麵，加$10加麵底，碗麵賣相唔錯，湯底夠熱，飲完唔會口乾，麵身我選擇普通，如果想食軟身麵，可以選擇軟身，個人喜好普通，已經夠硬，半熟蛋味道唔錯，豬肉略為比較凍，可能預左用個麵湯去整熱、有點美中不足，不過整體覺得值得一試，魚介湯底值得一試！