魚事者 (鴻達樓) (已結業)

無錯，真係全部都係用魚肉做既各種創意小食。店主好窩心，外賣紙袋仲畫左公仔，店外既牆同埋紙盒既魚同畫都係好靚，隻色仲好有夏日氣色!咖喱汁吉列豬扒魚麵撈，撈魚麵可以簡半份/全份，3件吉列豬扒皮薄香脆，裡面keep到肉汁！魚麵好特別呀，有彈性，少少煙韌，撈咖喱汁非常惹味!另一個係撈芝士汁，有住唔同既滋味! 芝士香滑但唔會膩!港式多士三併配黑松露醬3塊多士各有特色，用上蝦/魚/墨魚滑釀上去，​全部都好新鮮好香，配黑松露醬，驚喜好特別，幾鍾意蝦味夠香!炸魚無薯條，即叫即炸既炸魚條，口感好得意，外脆內彈牙。店員話唔點醬食係最正~我都覺得係，唔會俾D醬蓋過魚味! 咖喱魚兵團，魚餅彈牙，造型可愛，咖喱魚味都濃郁!燒賣(原味同芫荽)​幾鍾意芫荽味，未到好濃但有個陣香氣，又可吊起魚味。魚肉燒賣真係全部用魚做，好純正。期待遲D會有更多唔同既創意既魚仔小食!