影片
更多
2022-11-12
109 瀏覽
好耐無去旺角區喇～ 熟悉嘅舖頭部份唔見哂，感覺有啲陌生。路過，被湖水藍色嘅魚事者吸引到，原來係專賣魚品嘅食店。開心樂園魚狗包 $38店長介紹，係佢哋啱啱出嘅新產品，皮脆彈牙嘅魚狗腸，加上解膩嘅青瓜絲丶酸酸甜甜嘅他他醬汁，估唔到又幾好味喎！又香又臭蒜油雞球魚麵撈 $38一定要試吓佢哋嘅招牌魚麵，細滑彈牙；鍾意食蒜嘅人，一定唔會覺得臭，再重手啲都仲得呀～ 雞球大過粒乒乓波，外皮超香脆，本身以為會有少少嚡，又唔係喎！雞肉入味之餘又有肉汁。陳皮燒賣 $20魚肉燒賣係佢哋工場自己整，本身鍾意陳皮，見到陳皮產品都會特別想試，呢款燒賣，食到陳皮甘香，唔錯！港式多士三併配黑松露醬 $33三件分別由魚丶蝦丶墨魚，夠香口招牌奶茶王 $20店家自家調製，茶餐廳風味嘅港式奶茶，甜度適中，推介！少爺啤 經典淡愛爾 $28麻辣雞尾酒 $23小店竟然有得飲少爺啤，仲要係夠凍！即刻要叫返兩罐，同老友邊食邊啤！經典淡愛爾係少爺啤代表作，唔使多介紹，反而麻辣雞尾酒就真係第一次試，Vodka丶麻辣香料丶生薑丶蔗糖，少少甜，少少酸，又有啲香料味，幾得意。店長好nice，有問必答之餘，仲會喺外賣紙袋寫吓字畫吓公仔，就係想令客人
好耐無去旺角區喇～ 熟悉嘅舖頭部份唔見哂，感覺有啲陌生。路過，被湖水藍色嘅魚事者吸引到，原來係專賣魚品嘅食店。
開心樂園魚狗包 $38店長介紹，係佢哋啱啱出嘅新產品，皮脆彈牙嘅魚狗腸，加上解膩嘅青瓜絲丶酸酸甜甜嘅他他醬汁，估唔到又幾好味喎！
又香又臭蒜油雞球魚麵撈 $38一定要試吓佢哋嘅招牌魚麵，細滑彈牙；鍾意食蒜嘅人，一定唔會覺得臭，再重手啲都仲得呀～ 雞球大過粒乒乓波，外皮超香脆，本身以為會有少少嚡，又唔係喎！雞肉入味之餘又有肉汁。
陳皮燒賣 $20魚肉燒賣係佢哋工場自己整，本身鍾意陳皮，見到陳皮產品都會特別想試，呢款燒賣，食到陳皮甘香，唔錯！
港式多士三併配黑松露醬 $33三件分別由魚丶蝦丶墨魚，夠香口
招牌奶茶王 $20店家自家調製，茶餐廳風味嘅港式奶茶，甜度適中，推介！
少爺啤 經典淡愛爾 $28麻辣雞尾酒 $23
小店竟然有得飲少爺啤，仲要係夠凍！即刻要叫返兩罐，同老友邊食邊啤！經典淡愛爾係少爺啤代表作，唔使多介紹，反而麻辣雞尾酒就真係第一次試，Vodka丶麻辣香料丶生薑丶蔗糖，少少甜，少少酸，又有啲香料味，幾得意。
店長好nice，有問必答之餘，仲會喺外賣紙袋寫吓字畫吓公仔，就係想令客人見到會開心啲！原來佢都係膠戰fans，呢題太深刻，大家都應該知係邊集 😆
張貼
