本店 (已結業)

見將軍澳parkside呢邊難得有間望落環境裝修都幾靚嘅居酒屋，以木裝修為主，門口有隻稻菏神使者小狐狸都幾吸引咁，一於就帶埋屋企人黎試下。內裏算是多位好坐，舒服嘅我覺得係。不過要留意本店嘅omakase係無得逐件上，呢個係我地自己一開始誤會左所以撞左板😂所以坐唔坐bar檯就無分別，店員亦好好比我地轉番去卡位檯。12件omakase 五百幾要一次過上的話，咁不如就試番普lunch set算了🤧服務是不錯的雖然我地一開始就有d誤會。見lunch menu有8件sushi set就$158，包沙律、細烏冬及雪糕，價錢係ok的，惟味道過於普通，魚料無麥味外，竟然可以一d切到好厚，一d又好薄😂..性價比就唔高了。當中甜蝦係可以的，lunch set黎講不算貴，但味道不夠令人滿足。甜品芝麻雪糕就幾好😹有感串燒偏貴，每串約$30-60，但整體質素係比壽司好，不過都係冇好令人印象深刻，不過不失。不過無邊樣會令人想回頭🤧雞肉棒較為出色。