影片
更多
2016-08-12
381 瀏覽
灣仔近嘅越開越多高級嘅日本料理店之前見到呢間風花雪月一開就開咗成三層嘅旗艦店喺灣仔過咗成個月終於有時間到都灣仔會一會佢見佢開成三層咁多原來每一層都有食唔同菜嘅主題第一層佢哋就係專責食日式嘅西餐第二層就係刺身同壽司第三層就係佢哋主打嘅鐵板燒不過今日嚟到食lunch所以就揀咗係一樓度食首先就叫左一個set lunch西京銀雪魚鐵板套餐$188叫完個餐之後店員就好細心咁介紹呢個餐裏面嘅食物首先一上菜就係兩款小食包括矮瓜漬物及芝麻薯仔沙律矮瓜漬物比較淡口不過依舊保持爽口而且仲微微滲出木魚汁味道薯仔沙律就係將一個薯仔打成茸弄成薯仔球入面會有少許脆口的煙肉再伴上日式芝麻汁不過薯仔沙律可以在凍多些少就比較好及開胃之後就係到主菜了店員話大廚會先用竹葉薦底然後攞去蒸當蒸到差不多七成熟的時候就會放上鐵板上面用上西京的方法去燒製一上枱見到整塊銀鱈魚上面印有令人流晒口水嘅鐵板痕跡淨係個外表都知道呢件銀鱈魚好出色因為本身銀鱈魚一煎就好容易散開大廚好聰明咁用先蒸後煎嘅方法處理令到銀鱈魚可以確保佢完全熟晒另外更加可以用上鐵板燒再配合西京汁令到銀鱈魚更加出味一件銀鱈魚再配合餐入面的珍珠米飯熱辣辣香噴噴嘅珍珠米更加襯托
之前見到呢間風花雪月一開就開咗成三層嘅旗艦店喺灣仔
過咗成個月終於有時間到都灣仔會一會佢
見佢開成三層咁多
原來每一層都有食唔同菜嘅主題第一層佢哋就係專責食日式嘅西餐
第二層就係刺身同壽司
第三層就係佢哋主打嘅鐵板燒
不過今日嚟到食lunch
所以就揀咗係一樓度食
首先就叫左一個set lunch西京銀雪魚鐵板套餐$188
叫完個餐之後店員就好細心咁介紹呢個餐裏面嘅食物
首先一上菜就係兩款小食
包括矮瓜漬物及芝麻薯仔沙律
矮瓜漬物比較淡口
不過依舊保持爽口而且仲微微滲出木魚汁味道
薯仔沙律就係將一個薯仔打成茸
弄成薯仔球入面會有少許脆口的煙肉
再伴上日式芝麻汁
不過薯仔沙律可以在凍多些少就比較好及開胃
之後就係到主菜了
店員話大廚會先用竹葉薦底然後攞去蒸
當蒸到差不多七成熟的時候
就會放上鐵板上面用上西京的方法去燒製
一上枱見到整塊銀鱈魚上面
印有令人流晒口水嘅鐵板痕跡
淨係個外表都知道呢件銀鱈魚好出色
因為本身銀鱈魚一煎就好容易散開
大廚好聰明咁用先蒸後煎嘅方法處理
令到銀鱈魚可以確保佢完全熟晒
另外更加可以用上鐵板燒再配合西京汁令到銀鱈魚更加出味
一件銀鱈魚再配合餐入面的珍珠米飯
熱辣辣香噴噴嘅珍珠米更加襯托出銀鱈魚如有的香味入口微甜的珍珠米更加令到銀雪魚滑而鮮甜
而且銀雪魚的魚皮油份充足
再加上鐵板燒及西京的處理方法
完全將這種魚油香更加昇華
而且先蒸後煎的方法令到銀鱈魚的魚肉十分之嫩滑
食完十分之滿足
跟餐的甜品是綠茶朱古力奶凍
一層綠茶一層朱古力的滑溜溜奶凍
朱古力的甜味完全可以補充了綠茶微微的甘香雖然今次沒有時間於晚餐時間去呢間風花雪月
不過一個短短的午餐時間都睇得出佢哋有用心咁去處理食物
題外話要讚一讚佢哋嘅店員
因為佢哋成餐飯都會不斷為每道食物解釋及推介
張貼
