影片
更多
2015-02-23
3547 瀏覽
登龍街又一間拉麵店，門面光鮮，以魚湯沾麵做賣點！日式裝修！已經5點，門口只有3個人排隊，等了10分鐘可以入座，搭枱坐一張二人枱，座位闊落，椅子下有個箱放物品，和式深木傢私！客人出入店員都會大聲招呼！好傳統嘅麵店！地方相對同一條街嘅拉麵店好坐！麵嘅款式唔多！小食反而比想像中多！拉麵窩心有大中細size,但價錢一樣,只有特大要加錢！呢間以沾麵出名！所以我叫個沾麵（中）！沾麵湯仲可以揀辣味（不過第一次食，揀咗正常先）再加個細餃子（3隻）餃子先到，店員仲會比一盆一種醬油一齊上（醋、醬油、辣油）我每種落啲，先講個餃子，皮薄但煙韌，無破裂，入面辣咀嘅肉汁好正，豬肉碎嫩滑，隻隻都好味！配埋酸辣混合醬油，好開胃惹味！正！豚骨魚介沾麵（中）：沾麵魚湯好杰，好似BB仔糊仔咁，龍蝦湯橙色，麵條另用碗上，枱面介紹講要夾一條麵試彈牙度，照做夾一條入口，的確好彈牙，有咬口，再慢慢夾一著麵落湯食，湯汁夠杰，裡面有豚肉角，有𡁻口重肉味！魚湯掛麵能力強，食第一啖覺得好味，魚湯夠熱，不過有點腥（可接受）麵條彈牙，不過當食到中段，過了冷河嘅麵越浸，湯已經唔夠熱，變成我最怕嘅微暖，腥味又再濃啲，就開始唔鍾意，而且湯汁都好多，
登龍街又一間拉麵店，門面光鮮，以魚湯沾麵做賣點！
日式裝修！已經5點，門口只有3個人排隊，等了10分鐘可以入座，搭枱坐一張二人枱，座位闊落，椅子下有個箱放物品，和式深木傢私！客人出入店員都會大聲招呼！好傳統嘅麵店！地方相對同一條街嘅拉麵店好坐！麵嘅款式唔多！小食反而比想像中多！
拉麵窩心有大中細size,但價錢一樣,只有特大要加錢！呢間以沾麵出名！所以我叫個沾麵（中）！沾麵湯仲可以揀辣味（不過第一次食，揀咗正常先）再加個細餃子（3隻）
餃子先到，店員仲會比一盆一種醬油一齊上（醋、醬油、辣油）我每種落啲，先講個餃子，皮薄但煙韌，無破裂，入面辣咀嘅肉汁好正，豬肉碎嫩滑，隻隻都好味！配埋酸辣混合醬油，好開胃惹味！正！
豚骨魚介沾麵（中）：沾麵魚湯好杰，好似BB仔糊仔咁，龍蝦湯橙色，麵條另用碗上，枱面介紹講要夾一條麵試彈牙度，照做夾一條入口，的確好彈牙，有咬口，再慢慢夾一著麵落湯食，湯汁夠杰，裡面有豚肉角，有𡁻口重肉味！魚湯掛麵能力強，食第一啖覺得好味，魚湯夠熱，不過有點腥（可接受）麵條彈牙，不過當食到中段，過了冷河嘅麵越浸，湯已經唔夠熱，變成我最怕嘅微暖，腥味又再濃啲，就開始唔鍾意，而且湯汁都好多，介紹度話可以沾完麵加熱豬骨湯再飲，但我又見唔到有豬骨湯放枱面，加上都幾飽就無再問店員！荀條爽口但無味，沾汁都唔可以即刻入到味，味道只留在表面！雞蛋唔算流心，但個蛋黃好甜（唔係糖嘅甜）天然嘅甜味好驚喜！好重蛋味！青蔥爽口！
跟餐汽水忌廉：夠凍正常，可以緩和下魚湯嘅濃味！不過如果餐飲除了汽水之外，有熱飲選擇會好點（玄米茶或樽裝茶都好呀）對於唔飲凍飲嘅我會好啲！食物可以一試，唔同一般日本人拉麵店，但服務要改善下，首先店員都係後生仔女，有兩個男後生店員一邊執枱，一邊用粗口傾偈（我唔係咁純品，唔聽得粗口，但嗰刻環境咁乾淨，比較刺耳）而且幫我落單嘅店員無問我要冷麵定熱麵（我係聽到隔離枱落單個個有問）服務唔夠細緻！只收現金唔方便！
張貼
