麵麵 (已結業)

最近成日食炸嘢，食到成個人都油膩晒所以就同左友人晚餐去食比較輕盈嘅魚麵聽講魚麵有70%都係魚肉，所以就比較少澱粉質啱晒減肥嘅女仔食夜晚要食少啲澱粉先得㗎嘛一坐低就有店員攞咗個信封俾我哋袋好個口罩然後就俾咗兩shots嘅魚湯我地飲我不嬲都唔會飲魚湯嘅，因為我好怕腥味估唔到佢既濃郁嘅魚味又唔腥我仲忍唔住爭埋朋友個杯嚟飲添我哋一個就叫咗魚之戀，一個就叫咗吉列豬扒咖喱魚烏冬一個要魚面一個要魚烏冬雖然最後我同朋友都食唔出有咩分別不過據說魚面係彈牙啲，亦都含有更加多嘅魚肉。又少啲澱粉質魚之戀入邊有魚皮餃、魚腐、魚旦頭、白色魚蛋等等。魚湯一樣咁濃郁，亦都冇腥味魚面幾彈牙都幾重魚味魚皮餃嘅皮同平時食都好唔同，好似係用左魚肉去整，所以連個皮都好爽口套餐仲包埋前菜，海帶牙好爽口、蕃薯仔都好甜、柚子白蘿蔔好清爽（朋友好鍾意）套餐仲包一杯嘢飲添至於吉列豬扒咖喱烏冬，上面一樣有忌廉，就好似平時嘅咖喱忌廉烏冬咁。不過因為烏冬好重魚肉味，個人比較覺得似食緊咖喱魚蛋多啲硬係覺得有啲唔係食緊正餐嘅感覺啲豬扒都好脆口，肉質都幾林不過我同朋友都係鍾意食魚湯麵多啲