幸村 (已結業)

大肥爸爸好友極力推介下，肥肥家族就襯週日中午大家都冇約人，一齊去「幸村」食魚生。「幸村」離銅鑼灣地鐡站渣甸坊出口只需步行三分鐘，位置好方便。餐廳獨佔二樓全層，升降機一出先為接待處。穿過紅色o既門簾就見到右手邊個壽司吧。左手邊通窿o既木屏風圍繞住幾張散座，地方其實唔大，但視覺上就頗開揚。大肥眼力真係好，發現店子設有室外座位，睇黎煙民唔洗行落街先吸收到新鮮空氣 。話明要黎食魚生，四人當然係揀坐壽司吧啦，對住透明玻璃雪櫃陳列出o既海鮮食材，一邊食可以一邊望住師傅預備食物。食店上上下下o既服務生都好客氣，細佬四周影相都無任歡迎。「幸村」午市做套餐為主，均包有沙律、前菜、茶碗蒸、麵豉湯及湯烏冬/白飯；熱食定食價錢全部都過百，相比起下$230一客壽司定食應最為經濟 。四人一同點好「幸村壽司盛合」午餐，姐姐仔先送上小肥愛飲之一o既巨峰梳打（$33），甜濃解渴，消暑恩物也 ！哥哥唔講，真係冇留意到店內o既茶杯都印有餐廳個名「幸村Yukimura」。套餐由爽脆o既沙律食起，酸酸甜甜都幾醒胃。前菜每天不同，當日o既汁煮牛脷切成粒粒，厚身又爽口，伴碟o既青瓜又夠香脆，少辣惹味，非常開胃 。茶碗蒸香甜