影片
更多
2015-03-17
7759 瀏覽
我地book左8點2人食 雖然我地衰遲左10分鐘 上到去就等佢安排位比我地 我地等左45分鐘先比張枱我地 之後入到去 點左第一輪野食 都好快上哂 但放題總有miss幾樣野食 都明白既 魚生👍魚生夠新鮮 厚切 唔似其他放題既魚生咁既味 其他放題既魚生又好似放左好耐咁 唔夠新鮮 但呢間就相反 呢樣野係值得讚既 之後 呢到既熟食種類同其他放題都不相伯仲 味道都ok既 豬耳 鳳爪 同其他熟食唔算好出色 天婦羅/炸物類就唔錯 味道同脆都幾好 上到枱唔係「淋」哂 天婦羅蝦/炸蝦呢啲算係必食既 仲有個炸芝士蝦 炸蠔 芝麻雞翼👍另外 蔬菜類：牛油翠玉瓜 天婦羅蕃薯好甜 係算好味既 仲有天婦羅茄子之類都好岩食甜品都係例牌雀巢雪糕雪條之類不過我地嗌完第一輪野食之後 仲有點左兩三張紙 都係少量炸物 雞軟骨 燒菠蘿 翠玉瓜之類駕輕就熟既野食 此時檯面係所有野食都食哂 但等左20分鐘後 野食仲未到 就催催佢啦 催完再等1x分鐘 仲未有野食 再催多次 等多陣仍然冇野食 咁就再落多次一模一樣既單啦 再等 仍然係冇野食 一催再催之後終於有個人行埋黎話廚房收唔到單 咁就再寫多次同樣既單吧 寫完之後 過左陣 終於都有野食
我地book左8點2人食 雖然我地衰遲左10分鐘 上到去就等佢安排位比我地 我地等左45分鐘先比張枱我地 之後入到去 點左第一輪野食 都好快上哂 但放題總有miss幾樣野食 都明白既 魚生👍魚生夠新鮮 厚切 唔似其他放題既魚生咁既味 其他放題既魚生又好似放左好耐咁 唔夠新鮮 但呢間就相反 呢樣野係值得讚既
之後 呢到既熟食種類同其他放題都不相伯仲 味道都ok既 豬耳 鳳爪 同其他熟食唔算好出色 天婦羅/炸物類就唔錯 味道同脆都幾好 上到枱唔係「淋」哂 天婦羅蝦/炸蝦呢啲算係必食既 仲有個炸芝士蝦 炸蠔 芝麻雞翼👍
另外 蔬菜類：牛油翠玉瓜 天婦羅蕃薯好甜 係算好味既 仲有天婦羅茄子之類都好岩食
甜品都係例牌雀巢雪糕雪條之類
不過我地嗌完第一輪野食之後 仲有點左兩三張紙 都係少量炸物 雞軟骨 燒菠蘿 翠玉瓜之類駕輕就熟既野食 此時檯面係所有野食都食哂 但等左20分鐘後 野食仲未到 就催催佢啦 催完再等1x分鐘 仲未有野食 再催多次 等多陣仍然冇野食 咁就再落多次一模一樣既單啦 再等 仍然係冇野食 一催再催之後終於有個人行埋黎話廚房收唔到單 咁就再寫多次同樣既單吧 寫完之後 過左陣 終於都有野食 呢個等第二輪野食過程總共用超過45分鐘！！都係想食下所謂推介既雞軟骨姐！真係好嬲好唔愉快！但對面張大枱啲野食就起勢咁黎 人地落完一轉又一轉 幾咁快就上到枱 我地隔離張新枱
又同我地一樣冇野食 啲單唔見哂 人地第一輪就要係咁催單 只係食左盆催左幾次先有既魚生 隔離仲誇張 大家都知食一輪會每張紙都會寫啲野食 人地一疊一疊咁交 結果第一輪既單都要交4次先真係收到啲order 結果我地兩張枱都搞到好燥！
張貼
