板長壽司 (創紀之城五期) (已結業)

好耐無見到板長壽司嘅分店，今日行行吓偶遇到就入去食啦😂。一個人食飯嘅好處係好大機會坐bar枱...係呀！我好鍾意對住廚師食飯，因為可以偷師學藝👨‍🍳👩‍🍳。今日好肚餓，要有飯到肚。手機點餐，落咗份「炙燒三文魚腩樱花井定食」，附有麵豉湯、前菜。魚生方面有三文魚腩🐠丁粒、油甘魚🐟丁粒、炙燒三文魚，其他仲有玉子燒、蟹籽、青瓜，鋪得好滿，遮蔽成碗飯。👍👍魚生好新鮮，三文魚腩油脂豐盈，色澤油潤；油甘魚肉嫩甘香，入口即溶；炙燒三文魚薄身，味道好香。我就最鍾意佢嘅醋壽司飯，剛剛好嘅酸味😋，剛剛好嘅粘度😋，就連最後一粒飯都要食埋。麵豉湯都做得有心思，裏面有蘿蔔絲、冬瓜、海苔，清甜可口。