魚鮮生刺身專門店 (已結業)

今日試吓一家位於銅鑼灣的魚生丼飯店。店子帶少少曰式古樸的氣氛，加上暗黃燈光和舊日曰本流行曲，有少少在曰本魚巿場小店的感覺。Lunch menu 有八款魚生丼，由$78-$168；還有十一款熟食丼飯，由$68-118。每款午餐包主菜、面鼓湯、和前菜。拖羅丼$168這拖羅丼造型吸引，鮮美的魚生蓋滿飯面。拖羅十分肥美軟滑，纖維幼細又無筋，可惜切得比較薄身，稍欠口感。拖羅茸又鮮又滑，加上生旦汁，更加豐盈，拌以酸酸的壽司醋飯，十分可口。三色鮮味丼$98三色鮮味丼材料豐富。三文魚肥美又唔腥，加上帶子刺身和蟹肉，十分鮮美，唯壽司飯有少少粘和硬身，有少少美中不足，但以這價位是對位的。麵豉湯味道唔錯，有豐富嘅海大，有蜆肉，清清地又鮮甜。前菜是牛舌，肉質軟腍，沒有羶味，淡淡的。這日嘅午餐還不錯，可以一試。