魚米 (廣福商場)

營業中

休息中

12月中嘅某星期日，係廣福邨食午餐，終於有機會試吓魚米，當然選擇呢間。鯇魚腩加酸菜湯米線啱哂我口味。鯇魚腩好大塊，應該係走油再煎香，魚夠滑，魚腩啲骨都粗同多，要小心咁食，免鯁親。米缐分量好多，酸菜啱我口味，酸味適中，芽菜份量都好多。湯底酸重過辣，適合我呢啲唔太食得辣嘅食客。晚上工作還未完成，決定再去魚米食酸菜魚湯米線，本來只想叫比較平嘅酸辣魚片米，不過晚上八點去到已經冇哂鯇魚片，只剩低今早食個款魚腩，咁就一日食咗二次同一款，今次就走咗米線，再另外加咗一碟菜。菜要求湯上，呢個湯好怪，有陣奶味但唔似係魚煲嘅湯。菜分量都好少同唔新鮮，所以不建議叫。