影片
更多
2020-03-22
57 瀏覽
📍麵屋一燈 (尖沙咀)🔎尖沙咀廣東道3-27號海港城海運大廈3樓LCX 32號舖-----呢間黎自日本東京嘅過江龍被譽為「東京第一拉麵」，係好多拉麵比賽都名列前茅，平時經常門口都有一條長長人龍🐉。直至近日因為好多人都少左出街，難得路過見到竟然唔需要排隊，就即刻入去食返碗試一試。店鋪裝修以木色為主，行簡潔禪系日風，座位好寬闊，檯同檯之間距離亦算大，令人食得安心。開放式廚房係店鋪嘅中央位置，想睇師傅👨🏻🍳煮拉麵就可以坐係廚房旁邊嘅吧檯。而餐廳最入嘅位置則是一面面180℃的落地玻璃窗，客人可以一邊觀賞🌃維港景，一邊食麵，係香港少有可以有咁嘅體驗嘅拉麵店🍜。-🥢柚子拉麵套餐（$148-配非酒精飲品一杯）呢款拉麵係佢哋嘅限定口味，材料有大大片嘅半肥瘦豚肉卷、柚子筍條、香蔥、紫菜同溏心蛋。拉麵軟硬適中，細膩彈牙。而酸酸甜甜嘅柚皮則正好解了濃厚湯底飲太多的飽膩感，食落感覺清新，最後再叫返杯冰涼透心又零卡路里嘅無糖烏龍茶，食完成個套餐感覺毫無負擔，好少有食拉麵會有咁fresh嘅感覺。-🥢特製·芳醇鹽味拉麵（$148）佢哋嘅拉麵有「普通」、「味玉」同「特製」三個等級，當中嘅分別就係多啲配料同少啲配料咁
🔎尖沙咀廣東道3-27號海港城海運大廈3樓LCX 32號舖
-----
呢間黎自日本東京嘅過江龍被譽為「東京第一拉麵」，係好多拉麵比賽都名列前茅，平時經常門口都有一條長長人龍🐉。直至近日因為好多人都少左出街，難得路過見到竟然唔需要排隊，就即刻入去食返碗試一試。
店鋪裝修以木色為主，行簡潔禪系日風，座位好寬闊，檯同檯之間距離亦算大，令人食得安心。開放式廚房係店鋪嘅中央位置，想睇師傅👨🏻🍳煮拉麵就可以坐係廚房旁邊嘅吧檯。而餐廳最入嘅位置則是一面面180℃的落地玻璃窗，客人可以一邊觀賞🌃維港景，一邊食麵，係香港少有可以有咁嘅體驗嘅拉麵店🍜。
-
🥢柚子拉麵套餐（$148-配非酒精飲品一杯）呢款拉麵係佢哋嘅限定口味，材料有大大片嘅半肥瘦豚肉卷、柚子筍條、香蔥、紫菜同溏心蛋。拉麵軟硬適中，細膩彈牙。而酸酸甜甜嘅柚皮則正好解了濃厚湯底飲太多的飽膩感，食落感覺清新，最後再叫返杯冰涼透心又零卡路里嘅無糖烏龍茶，食完成個套餐感覺毫無負擔，好少有食拉麵會有咁fresh嘅感覺。
-
🥢特製·芳醇鹽味拉麵（$148）佢哋嘅拉麵有「普通」、「味玉」同「特製」三個等級，當中嘅分別就係多啲配料同少啲配料咁解，難得黎到B仔就直接試咗最多配料嘅「特製」。「特製」拉麵嘅配料有2片豚肉片、2片雞肉片、醬油筍片、香蔥同紫菜。雞肉片嫩口彈牙，豚肉片則香軟入味，食肉獸更可以額外加點一份叉燒成盒 （$58-內含雞肉叉燒和豚肉叉燒各兩塊）。
而呢個鹽味湯底其實係以雞湯、干貝同特製鹽味醬汁熬炖而成，湯頭清澈味醇。食到中段更可加入附送嘅微辣日式瑤柱醬，由清到濃，一次過品嘗唔到嘅味道層次感。
-
🥢特製·秘製醬油拉麵（$158）三款湯底之中要數呢款湯底最濃味，但佢嘅濃味並非死鹹，而是醬油的濃厚香味。入口先會品嘗到甜味，之後鹹味才慢慢步出。若嫌芳醇鹽味湯底太過清，則可以試試呢款。（配料同面質基本上同特製·芳醇鹽味拉麵一樣，但無配日式瑤柱醬）
-
🥢香酥雞軟骨（$48）外脆內嫩嘅雞軟骨，酥而不油膩，乾爽又有咬感，而且份量均真唔孤寒，令人不能自控地食唔停口。🐥
-----
👶🏻B仔整體評價：8/10個👍🏻
👶🏻B仔抵食程度：7/10個👍🏻
（份量再多d會更好，大食嘅人一定要加底）
👶🏻B仔環境評分：8.5/10個👍🏻
（180℃維港景無得輸，係暫時香港食過環境最好的拉麵店🍜）
👶🏻B仔味道評分：8.5/10個👍🏻
👶🏻B仔回頭機會：8/10個👍🏻
-----
#swallowhongkong
跟住我一齊吞食香港啦！🤤
#swallowtst
張貼
