林昌記 (已結業)

自從之前有朋友帶過我去尖東林昌記食過魚蛋之後，都冇喺出面食唔到覺得更加好食嘅魚蛋。不過之前一直都係識開普通嗰種魚蛋，今次咁啱經開，諗住再去買來食下。點知今次係買嘅時候，店員好熱情咁同我地講先唔試吓黃金蛋，話今日個師傅返咗嚟。基於之前未試過，就問咗一問，知道原來黃金蛋即係炸魚旦，咁聽落覺得幾特別就叫黎試吓。廷試佢哋嘅魚蛋係＄20就有差唔多成17粒(2份)，咁今次黃金但係＄20一份，不過都好似有成十粒，都真係算好平。等左一陣就有得拎，我哋未開始食已經聞到魚蛋炸咗出嚟嘅香味，之後一咬落去魚蛋入面都係好有鮮味，而炸嗰個表皮好薄同埋脆脆地，加埋一齊食嘅口感非常新鮮，值得一試。不過因為呢個黃金蛋唔係平時成日都有得賣，所以如果你去到試唔試到就要睇你運氣啦！