偉記麵家

營業中

休息中

約咗成個月，最終決定去長洲郊遊。古語有云：「三軍未動糧草先行」出發前梗係要醫下肚先！入長洲要食魚蛋，已成為一項入長洲必做嘅事，到咗即食返碗魚蛋河。湯底鮮甜，魚蛋夠彈牙，唔腥又有魚香味， 河粉夠滑身，但係好容易索湯，食得唔夠快會變撈可粉。我加咗D辣椒油，佢嘅辣椒油好香，令到成碗魚蛋粉更加惹味叫咗一個淨炸魚皮，炸魚皮較厚身，炸得乾身唔油膩，嚼感偏硬脆口。好特別！店門口貼咗炸魚皮唔可以外賣，唔知係咪怕外賣會唔脆呢？！