安利大排檔 (已結業)

安利魚蛋粉都算係筲箕灣名物，住喺港島區嘅人絕對唔會陌生，亦都算係男朋友嘅童年回憶。安利有兩間，出自同一家族，各有捧場客，我地平時都係去開舊店（安利魚蛋粉）~不過今次人多，等位可能等到傻仔，我地時間有限，見呢邊客人少啲，就過黎大排檔食。但放心，就算有位都一樣迫過搭地鐵，食完未落格就要起身走人，女朋友食左十幾分鐘，嬲爆爆咁…切腩魚片頭撈粗 $44每次例牌必點~粗麵用醬油撈過，味道嗆口，其實幾好食。切腩略嫌偏瘦，食落有少少柴，幸好夠腍身，唔會有渣。至於魚片就太腍，唔夠爽口彈牙，僅僅合格。魚蛋河 $30魚片同上，都係腍bat bat。反而白魚蛋比較好，起碼有番少少彈牙感，有魚鮮味，不錯。河粉，夠滑唔粗，早知食齋河算，哈。整體上都係舊店安利魚蛋粉好食啲，店內地方大啲，會坐得鬆動少少。招呼方面就兩間差不多，唔會好得去邊，週末黎親都大排長龍，等唔等自己諗。