泉昌美食 (已結業)

三年前無意中經過尼度 豬小姐純粹係因為口痕同豬先生想食 所以叫左啲煎釀三寶尼食 誰知一試便愛上豬先生對煎釀三寶嘅喜愛可謂瘋狂 見到就一定會買尼食 吉下過癮下 魚蛋青椒茄子豆腐……相反豬小姐一向對煎釀三寶都無特別感覺 但尼度嘅炸魚蛋係豬小姐食過最好食嘅要用欲罷不能尼形容 次次尼到 都會買廿蚊炸魚蛋多豉油拎走鋪頭旁會有少量枱凳嘅 位於街邊後巷 衞生情況就不用多說了 不過食尼啲口立濕 外賣其實也很方便快捷嘛尼度嘅炸魚蛋有咩咁特別？魚肉係用咸水魚發打起膠而成 魚肉看上去顏色光面雪白 感覺滑溜老闆娘用純熟手勢 快手地用刀一下一下將魚肉放進熱滾滾的油鍋中不需一會兒 魚肉立即由小小的發大幾倍至金黃色漲卜卜的新鮮炸魚蛋炸畢後 老闆娘會先把新鮮出爐的它們隔一隔油 望著那炸到大大粒圓碌碌嘅炸魚蛋 未食先口水直流炸魚蛋熱辣辣不在話下 表面會炸到金黃脆身 內裏的魚肉彈牙煙韌 帶嚼勁 是十分棒的口感剛說過魚肉係用咸水魚製而成 因此在零調味嘅情況之下 魚肉已有天然鮮甜 已經夠味 不過作為咸蟲的我 都係覺得加埋豉油先至係完美同場加映 老闆娘製作茄子中「泉昌」嘅煎釀三寶流量十分快 想食到新鮮熱辣 即製即炸的煎釀三寶