合利潮洲粉麵

營業中

休息中

合利係一間唔起眼嘅小店，位於新蒲崗橫街，第一次嚟都搵咗好耐，之前有朋友介紹話啲魚餃好正，所以特登過嚟試吓！今次係第二訪，上次試咗四保銀針粉，都唔錯！不過樣樣得一粒！上次試過最正係魚餃，所以今次特登過嚟淨魚餃！佢啲魚餃真係好有魚味，唔係出邊嗰啲加咗好多麵粉差個皮，真係食得出應有嘅古早魚餃味！而家呢類小店真係買少見少！應該要珍惜！當然環境就一般，今次嚟又係差唔多滿座，全部搭枱，但係勝在衛生！個辣椒油值得一提，真係幾辣又香，值得一試！