炑八韓烤 (MegaBox) (已結業)

開始放聖誕假，同男朋友去九龍灣IKEA買嘢，買下裝飾。行到夜晚想食燒肉，就去咗MegaBox嘅炑八。餐廳環境好大，我哋坐一個卡位，好闊落好舒服。而家餐廳同魷魚遊戲聯乘推出咗一個套餐，非常吸引，用魷魚遊戲做主題，好得意。套餐有齊牛肉、豬肉、雞肉，仲有魚肉同埋魷魚，真係應有盡有，滿足晒我所有渴望。新鮮魷魚店員會過嚟幫手燒，好快就熟，魷魚好新鮮，有淡淡海水鹹味，好彈牙，但一啲都唔會韌。深海鱈魚肉第一次韓燒嘅時候燒魚肉，出奇地魚肉燒完仲好嫩好多汁，係一個全新體驗韓式香腸細細條有啲似BBQ時候嘅脆皮腸安格斯外群肉呢個牛肉嚟到賣相好靚，果然燒出嚟好重牛味好濃郁。和牛牛肋條果然名不虛傳，和牛超軟腍又多汁，好容易咬。梨汁雞肉梨汁雞肉調味比較清淡，但係燒耐啲燒到雞皮脆卜卜，就做到外脆內軟月見牛腹肉呢一個係大片牛肉，雪花好靚，會配埋可以生食嘅日本雞蛋，好有壽喜燒風味醬油五花肉呢個豬肉超大驚喜，肥瘦啱啱好，同埋佢嘅調味我好鍾意，係蜜糖味，甜得來又嫩紅燈沙冰，綠燈沙冰兩杯沙冰都係紅綠兩隻顏色相間，沙冰打得好綿，中間仲會有一啲好似長條朱古力軟糖咁樣嘅配料，好新奇得意Front Man 椪糖曲奇雪糕就好似魷魚遊戲