拍板風味 (已結業)

早前我們喺何文田勝利道嘅「拍板風味」訂咗個鮑魚大蝦大盆菜！但一直未抽到時間安排到邊日食，直到早兩日大約知道今日應該會有時間，所以我們就早兩日預訂好今日去外賣自取返屋企食！一打開嗰陣見到個鮑魚大蝦盆菜舖砌得好整齊，而且份量好足料豐富！大蝦真係相當大隻，肉質好鮮甜彈牙！鮑魚都算幾大隻，而且燜得都幾腍，質感好爽滑彈牙！海參都幾爽口彈牙！食咗表面層之後，見到中間有隻超大嘅元蹄，肉質非常鬆軟，豬皮嘅質感都幾軟滑，真係幾抵食！醬汁嘅味道調教得都好，味道唔會過鹹！