雅苑座

知道雅苑座自助餐最近做緊鮑魚主題，所以約埋親戚一行三人去試下。 座位安排係中庭，高樓底 加埋係噴水池旁邊， 而且有表演睇，環境氣氛不錯。一坐低就有服務員嚟落水同派一張寫住Greenery既飛用嚟攞鮑魚， 一人一份。而服務員時不時會嚟收碟同加水， 服務唔錯。食物方面～主角就係翡翠蠔皇六頭鮑魚，口感剛好 唔會硬又唔會太霖，食到鮑魚味。👍🏻 凍海鮮有長腳蟹，蜆， 毛蟹，蝦， 青口，同花螺， 選擇算多， 賣相唔錯 食落啖啖肉 好鮮甜。炸蠔岩岩好熟，  食落唔會好油👍🏻 羊架好嫩，肉係粉紅色 燒得岩岩好～好味呀！ 燒爐部分- 鴨肝配埋哄到好脆既多士係低～  絕配！ 大阪燒，菠蘿，同南瓜都好好味！ 我推薦大家幾飽都要試佢地既中式燉湯，真材實料，好清甜，好味！終於到甜品time啦～ 知道帝苑酒店甜品好出名 所以好期待。 一睇到甜品區就好激動，太多選擇啦，中西式都有。水果，蛋糕， 糖水， Haagen Dazs雪糕， crepe， 同朱古力噴泉， 而且有最出名既蝴蝶酥同拿破崙蛋糕添😋 本人就乜都想試下🤗 最終決定一款攞一件三個人一起share， 超滿足！！