影片
更多
2023-01-20
378 瀏覽
🔹餐廳：Auntie AYI @wellwellwell🔹地址：金鐘金鐘道88號太古廣場LG1樓002號舖🔹價錢：～$200 - $400🔹營業時間：星期一至日 11:30 - 15:00 / 17:30 - 22:00🔹訂座電話：2803 7881趁農曆新年將至，今晚就約左班best friend 去歎返餐高級得黎又傳統既粵菜~今次我地揀左係金鐘太古廣場地下既「Auntie AYI @wellwellwell」！一睇MENU，正！餐廳今日咁岩就推出左「鮑魚 ‧ 三文魚撈起套餐」，夠哂應節，我地6個人一於就試吓呢個套餐先！齊齊開心SHARE！🔘鮑魚 ‧ 三文魚撈起套餐 (六人餐)🔘🔘南非鮑魚 ‧ 三文魚撈起「撈起撈起，撈到風山水起」~相信過年個時，大家都肯定聽過呢句賀年說話！「撈起」源自於南洋華人過年既特色菜式，無論食物選料及過程都夠哂意頭！主角之一既三文魚代表「年年有餘」，再搭配各種意頭材料，如紅蘿蔔絲、海蜇絲等等～成個撈起過程有得玩又有得食，成班人都超high！特別一讚餐廳經理仲好熱情咁主導成個撈起過程，大家齊齊叫住賀年口號黎撈起，真係超級開心~🔘紅棗螺頭燉雞湯我就最鍾意飲燉湯~呢
🔹地址：金鐘金鐘道88號太古廣場LG1樓002號舖
🔹價錢：～$200 - $400
🔹營業時間：星期一至日 11:30 - 15:00 / 17:30 - 22:00
🔹訂座電話：2803 7881
趁農曆新年將至，今晚就約左班best friend 去歎返餐高級得黎又傳統既粵菜~今次我地揀左係金鐘太古廣場地下既「Auntie AYI @wellwellwell」！
一睇MENU，正！餐廳今日咁岩就推出左「鮑魚 ‧ 三文魚撈起套餐」，夠哂應節，我地6個人一於就試吓呢個套餐先！齊齊開心SHARE！
🔘鮑魚 ‧ 三文魚撈起套餐 (六人餐)🔘
🔘南非鮑魚 ‧ 三文魚撈起
「撈起撈起，撈到風山水起」~相信過年個時，大家都肯定聽過呢句賀年說話！
「撈起」源自於南洋華人過年既特色菜式，無論食物選料及過程都夠哂意頭！主角之一既三文魚代表「年年有餘」，再搭配各種意頭材料，如紅蘿蔔絲、海蜇絲等等～成個撈起過程有得玩又有得食，成班人都超high！特別一讚餐廳經理仲好熱情咁主導成個撈起過程，大家齊齊叫住賀年口號黎撈起，真係超級開心~
🔘紅棗螺頭燉雞湯
我就最鍾意飲燉湯~呢個燉湯夠哂火喉而且材料充足，燉制得好濃郁~啖啖都係雞肉及螺頭既精華，入口唔油膩之餘，仲好鮮甜，好正呢！！
🔘金沙大蝦碌
咸蛋黃炒老虎蝦，夠哂邪惡既菜式~虎蝦肉質夠爽彈，蝦殼炸至香脆，混合埋咸香味濃既咸蛋黃，簡直係絕配，超惹味~
🔘清蒸老虎斑
蒸魚一向都講求火喉，而呢條魚既火喉就控制得岩岩好！老虎斑外皮嫩滑帶點煙韌感，而魚肉仍然嫩滑多汁，口感一流！
🔘發財瑤柱脯伴玉掌
傳統既賀年菜式呢度當然都有得食！髮菜寓意發財～煮得夠哂入味，入口即溶！加埋大大粒既瑤柱、豆苗及鵝掌，成個擺盤都好精美！！我最鍾意鵝掌炆得好淋身～仲充滿膠質，又夠哂入味，值得一讚！！
🔘懷舊芝麻糖脆皮雞
呢款稱得上經典粵菜，由於制作繁複，坊間已經好少有得食！勁開心可以係呢度試到！！由醃制、上皮、吊乾等工序更突顯出餐廳對食材既用心～加上餐廳揀選既雞隻肉嫩而且唔會太肥！薄薄既雞皮以滾油反覆炸至香酥，外層再鋪滿勁多白芝麻粒，味道夠哂突出，大推呢個菜式！！
🔘賀年錦繡炒飯
炒飯粒粒分明而且鑊氣十足~用料加入帶子粒、青豆及蔥等材料，食落香噴噴，我仲忍唔住食左兩碗添啊～
🔘陳皮紅豆沙湯圓
紅豆沙煮得好清甜，食落一啲都唔會滯！再加上芝麻蓉內餡既湯圓，以呢個甜品作結，夠哂好意頭~
———————————————————
🔘日本氣泡蘋果汁
我就另外叫左杯日本氣泡蘋果汁，清甜得黎夠哂解渴，正~
———————————————————
😋味道：4/5
🏢環境：4.5/5
💁🏻♀️服務：4.5/5
💵價錢：4/5
🤟🏻性價比：4/5
———————————————————
👅整體小總結
呢餐飯大家都食得好開心！特別係食撈起呢個菜式，夠哂互動又有意頭，抵讚！加上餐廳既裝修有穿越古今既感覺，燈光稍喑又帶點懷舊氣氛，好有特色！！而我就最欣賞佢地既餐具及食物擺盤，夠哂精緻，影相打卡一流！！
張貼
