影片
更多
2019-01-04
465 瀏覽
鮨七七七，厲害！話說今日同事升職請食飯，主人家推介呢間新開無最耐嘅廚師發辦日本菜，當然跟大隊去試下^_^位置唔算好多，環境好舒服感覺好放鬆唔會比人打擾，可以慢慢傾計談下心係BAR台邊望住師傅準備真係好治癒，好有置身係日本嘅感覺，台面餐具都一早準備好了。餐牌有分4個價錢：醍DAI (1580$)﹑穗MINORU (1780$) ﹑㐂 YOROKOBU (1980$) ﹑和食廚師 (1280$)最後我地揀咗醍DAI (1580$)，包括：３品前菜﹑酒肴６品﹑御料理﹑廚師發板壽司７件﹑湯﹑甜品師傅原來已經一早準備好海葡萄海帶俾我地，配埋柚子醋食令人胃口開之餘仲可以清清味蕾。【一】一上菜就已經覺得係藝術品，擺放到好靚，有種唔捨得食嘅感覺。白蝦連殼原隻吃炸得好香好脆，蝦味濃，一隻接一隻。凍蒸蛋上面鋪滿三文魚子，晶瑩剔透的魚子配上滑嘟嘟蒸蛋。啖啖都係享受！【二】立魚夾住芽蔥、腐皮同面豉，食落口有陣陣麵豉味同魚味 魚肉嫩口。太刀魚燒上好香 咸咸地 魚香都突出！(望住朵小黃心就好賞心悅目)【三】海膽魚籽杯配合水菜和冷高湯面層鋪滿綿滑海膽，個種鮮甜味道係會令人回味無窮，底層係粒粒晶瑩嘅魚籽，一啖咬落去嘩
話說今日同事升職請食飯，主人家推介呢間新開無最耐嘅廚師發辦日本菜，當然跟大隊去試下^_^
位置唔算好多，環境好舒服感覺好放鬆唔會比人打擾，可以慢慢傾計談下心
係BAR台邊望住師傅準備真係好治癒，好有置身係日本嘅感覺，台面餐具都一早準備好了。
餐牌有分4個價錢：醍DAI (1580$)﹑穗MINORU (1780$) ﹑㐂 YOROKOBU (1980$) ﹑和食廚師 (1280$)
最後我地揀咗醍DAI (1580$)，包括：３品前菜﹑酒肴６品﹑御料理﹑廚師發板壽司７件﹑湯﹑甜品
師傅原來已經一早準備好海葡萄海帶俾我地，配埋柚子醋食令人胃口開之餘仲可以清清味蕾。
【一】
一上菜就已經覺得係藝術品，擺放到好靚，有種唔捨得食嘅感覺。白蝦連殼原隻吃炸得好香好脆，蝦味濃，一隻接一隻。凍蒸蛋上面鋪滿三文魚子，晶瑩剔透的魚子配上滑嘟嘟蒸蛋。啖啖都係享受！
【二】
立魚夾住芽蔥、腐皮同面豉，食落口有陣陣麵豉味同魚味 魚肉嫩口。太刀魚燒上好香 咸咸地 魚香都突出！(望住朵小黃心就好賞心悅目)
【三】
海膽魚籽杯配合水菜和冷高湯面層鋪滿綿滑海膽，個種鮮甜味道係會令人回味無窮，底層係粒粒晶瑩嘅魚籽，一啖咬落去嘩太幸福了，係口入面爆哂再溶化～
【四】
蒸鮑魚VS鮑魚肝醬，日本鮑魚要先經師傅悉心慢煮處理同製作，鮑魚味道鮮甜口感彈牙得黎好結實，配埋濃濃的魚肝醬令鮮味更昇華同突出，無想像中咁
韌。原來魚肝醬仲有另一舍用途!！就係赤醋飯沾上肝醬，一滴都唔會浪費，滋味無窮。
【五】
秋刀魚：師傅分別以刺身同鹽燒既做法去炮制，味道各有特色。左邊是秋刀魚刺身，肉質嫩嫩的。右邊是鹽燒秋刀魚，食落油香更為突出，兩個版本一樣好食。整體散發剛好嘅鹹香味，惹味十足。配合埋日本榨菜，完滿。
【六】
鰹魚：師傅以兩種唔同方法炮制，左邊係用火炙過外層燒到好香好脆，增加更多魚油配合埋既蒜片估唔到咁MATCH！；而右邊係刺身，鰹魚味道相對地濃，肉質結實，好厚肉，加物小小黃芥辣，味道又幾特別啊。師傅用心講解原來大根只係出咗世26日，FRESH得黎又多汁。
【七】
八爪魚及八爪魚白子：蒸熟咗八爪魚食落味道口感帶小小韌，口感有點似鮑魚；白子其實都有食過不過八爪魚白子真係第一次，但個人黎講就唔係太識欣賞，不過朋友就食得好開心。
【八】
香箱蟹（蟹籽、蟹肉、蟹膏）
正值是吃松葉蟹的季節，竟然有緣份同香箱有個約會！平時最怕就係起肉剝殼，點知師傅原來已經幫我地起哂蟹籽、蟹肉和蟹膏，並調配醬汁。完全不用吹灰之力就食哂落肚。個人比較建議將蟹籽和蟹膏與蟹肉混和，一口氣放哂入口，一個爽！。肉質纖幼又香甜, 加埋CREAMY蟹膏, 海量蟹籽 = 100分了！
侍應細心地為食客準備一條小小的濕毛巾，用來抹手，原來方便食客用手拿壽司吃食。細心程度真係日本餐廳先做到！
【九】
壓軸出場廚師發辦壽司7件
每款都由師傅即場用手握而制成，件件味道都令我地相當滿意！７件包括有帆立貝壽司﹑白蝦壽司 (柚子香味)﹑金目鯛﹑鰤魚壽司﹑赤睦魚壽司、魚子﹑中吞拿魚腩
最令人印象深刻係白蝦壽司：岩鹽配合埋柚子皮，入口個下首先係覺得好有果香。清清甜甜，回甘嘅鮮蝦味再漫漫滲出黎，多種味道絕對令人難以忘懷！而當中最為驚喜嘅係金目鯛壽司，金目鯛皮稍稍燒熟令到油香更加突出，有種唔想咁快吞嘅感覺！入口首先係陣陣蔥香，後勁魚嘅鮮味係咀嚼之間慢慢地出黎，齒頰留香。
總結每件壽司都係用最新鮮食材，時令得黎仲好合食客口味，簡直是大飽口福。壽司口感軟綿綿根本唔需要多咀嚼已經係口中溶化，加埋醋飯更為開胃，特讚！
【十】
最後有碗清清地的蜆肉松茸雞湯，食左咁多冷野有熱騰騰嘅湯確係令食客可以暖暖個胃仔。聞任松茸獨有嘅香氣，完全係嗅覺同味覺嘅最高享受！
【十一】
最後最後甜品係靜崗哈密瓜！呢個真係無得輸，肉軟多汁仲要入口即溶食完真係返唔到轉頭。最後飲埋杯暖笠笠嘅煎茶做HAPPY ENDING，美滿又幸福嘅一餐。
*意外驚喜，餐廳好細心地每個坐位都有充電器，坐足成晚都唔怕手機會無電啦！*
張貼
