鮨川 (已結業)

首先有前菜左邊既係有鮟康魚肝，口感好rich，冇腥臭味，而且超級鮮！配上細葱同酸汁一齊食，完美！置中既有粟米蓉，好錦，處理得好，所以口感好滑，仲有粟米天然既甜味。然後就開始握壽司，開始既時候，你可以同司傅講你既口味，令到成餐廚師發辦更完美。眼仁奈魚味唔算特岀，但加咗檸檬皮，令到成件事好清新，第一件握壽司黎講，非常好。帶子 特感偏冧身，司傅加咗炭鹽，檸檬皮同蜜柑皮，所以唔需要再加豉油，清新！油甘魚 油份足，加埋莓醬，味道特別。石垣鯛 口感較有韌度，仲加咗魚子醬。牡丹蝦 配上自家製蝦子，蝦子係經兩次提練，所以蝦味濃郁。拖羅最後以拖羅作給結，好rich。份量對女孩子黎講，啱啱好，唔會太多。