鮨文 (已結業)

想去元朗試鮨文好耐。適逢老細升職請食飯，佢地就揀左係黃埔既鮨文🤤老細們請食$1280既omakase，真係受寵若驚😭呢個set有茶碗蒸、6款刺身、7件壽司、1件手卷、茶壺湯同甜品。首先上既5款刺身係魴鮄、鰆魚配麵豉醬(配麵豉醬比較少有，感覺好夾)、而家係season既秋刀魚配少少日本薑蔥(秋刀好肥美)、池魚同埋鮟鱇魚肝，之後再上埋紫菜包吉列帆立貝配自家製他他醬(紫菜好脆，吉列帆立貝炸到半生熟外脆內軟口感一流，他他醬好好食)，好有驚喜🖐🏻7件壽司分別係剝皮魚(上面係剝皮魚既肝)、縞蝦、自家醃既三文魚籽、粒貝、吞拿魚頰(kama-toro)、穴子、海膽軍艦(有兩種海膽🤩)；手卷係燒過既鮫鰈裙邊(無影到😆)，油脂感極重，配埋超脆既紫菜一咬落去就中和左，唔覺得太膩。甜品係柚子/紫薯雪葩，好食但無咩特別。總括黎講，會有下次。遲d試下book dinner omakase🖐🏻