鮪世市場 (已結業)

一人午餐又唔係太肚餓最好既選擇就係食壽司，可以揀自閉位睇落又無咁孤獨，本身諗住揀連鎖餐廳但咁岩lunch time時間又好多人就去附近再行下突然記起有間單人位既壽司店就去試試。點左幾款壽司同刺身獎勵下最近返工咁忙碌既自己。刺身點左份中拖羅$90/2片雖然價位比較高但食左一啖之後就無後悔到點左呢份中拖羅因該上枱第一眼見到已經充滿住拖羅魚油既紋路好靚滿佈成塊刺身而且色澤光鮮，解凍得岩岩好咬落口唔會食到冰粒入口既溶充滿油香食完都不停回味果種油香味。帆立貝刺身雖然唔算太厚切但一樣新鮮質感爽脆外面富有光澤鮮甜。點了3款壽司分別有海蝦，鰻魚同炙燒左口魚再另加一份玉子燒。海蝦大隻而且豐滿蝦肉質感脆外脆內軟鮮味十足食完後蝦既鮮味仍然停留係口腔入面。鰻魚大大條上燒得香口上層有少少微焦但唔會苦澀反而更香。祭燒左口魚入口即溶一咬左口魚特有既魚香味即刻滲出好滿足。玉子相對普通不過不失，雖然餐廳係平民價錢但感覺十足街外高級日式餐廳十分推薦。