麵麵 (已結業)

今日男朋友帶我搵好野食，黎到旺角呢間專門食魚麵既人氣店，其實小妹平時打邊爐勁鍾意叫魚麵，不過而家專門店真係好少有～一入到門口就見到好大個招牌，呢間裝修風格都幾文青，環境好舒服坐低無耐侍應就遞上兩杯濃魚湯，味道非常鮮甜！！！而我今次叫左極上蟹匠拌魚烏冬，雖然價錢要百三蚊，但食材豐富，有蟹膏、蟹肉同蟹籽，而味道亦十分出色，撈埋胡麻醬一齊食彈牙既魚烏冬，口感勁豐富，而且超級鮮味，絕對對得起呢個價錢！男朋友叫左呢份西班牙煙燻黑毛豬濃魚湯魚麵～先講下黑毛豬，肉質結實，帶有好香既煙燻味，配埋相對淡既魚湯魚烏冬，完全係絕配！我地又叫避風塘雞翼沙律，炸得好香口，難怪男朋友要食埋我果隻晚市套餐加5蚊可以轉熱朱古力，無諗過連朱古力都有得拉花！