韓珍 (帝國中心) (已結業)

今次去咗尖沙咀食韓國菜，餐廳係尖沙咀有兩間店舖，今次去咗帝國中心果間，講起韓國菜緊係離吾開韓燒，但今次主要係黎想試下醬油蟹，所以就無食燒肉。職員首先會奉上六小碟前菜，有沙律、泡菜、大豆芽菜、滷水鵪鶉蛋、酸蘿蔔同翠肉瓜，趁主菜未到，先食前菜開開胃。醬油蟹配紫菜飯我地叫咗兩隻醬油蟹，醬油蟹用大量醬油浸醃，有獨特嘅鹹鮮味，口感黏黏滑滑，味道甜甜地、吾會好鹹。醬油蟹爆曬膏，十分吸引，可以選擇一口吃下去，啖啖蟹膏蟹肉，或是伴紫菜飯一齊食，兩者都一樣咁美味。蜂蜜梨汁生牛肉成日食燒肉，今次就叫咗比較少食嘅生牛肉，先將醬汁、生雞蛋同生牛肉拌均，使生牛肉口感更嫩滑，醬汁清甜帶少少麻油香，生牛肉份量都比想像中多。牛胸肉大醬湯牛胸肉大醬湯有牛胸肉、豆腐、洋蔥等，湯頭濃郁麵豉湯味，少少辣辣地。