Master Kama (已結業)

之前來過食龍蝦套餐，感覺很不錯！今次朋友再帶我來，介紹我食限定的日本鱈場蟹海鮮紙火鍋套餐。日本鱈場蟹海鮮紙火鍋套餐，單睇餐牌已經覺得好豐富好吸引！前菜已經有六小砵，分別有酸辣羅勒煮蜆，蟹籽芝麻醬豆腐，蟹肉玉子燒，海鹽枝豆，虎蝦配芒果mousse同海藻。酸辣羅勒煮蜆味道較重，鹹鹹地辣辣地，蜆大大隻。虎蝦好鮮甜肉厚，配芒果醬幾特別。芝士蟹肉釀蟹蓋好多蟹肉響入面，食落啖啖肉味蕾好滿足 ！芝士份量不多，令到蟹肉嘅味更突出！呢一個蟹肉釀蟹蓋絕對適合懶人享用！食完前菜其實都有一半飽！主角終於嚟到！一大盤雪場蟹同海鮮盒放喺面前好震撼！有大量海蜆，虎蝦。紙火鍋入面只係得一塊昆布，下面一個小火種，上面只係用一張紙乘着上湯。試一口上湯，估唔到原來咁甜！又清又甜！除咗海鮮籃之外，仲有一個蔬菜籃！娃娃菜，小棠菜，雜菌，南瓜，大葱，魚蛋，獅子狗樣樣齊！呢一份就係主菜合照，真係十分豐富！海鮮夠晒多肉特別係雪場蟹！十分之鮮甜！職員特別提點最好先灼海鮮，因為可以令湯底更加鮮甜，果然之後再灼嘅菜都有海鮮嘅鮮味。食完豐富嘅火鍋大餐之後，原來仲有一個蟹之雜炊，用蟹肉上湯煮成嘅粥，好甜好軟熟！其實已經好飽，但都清哂！我哋食完