金牌源記 (已結業)

上網無意中見到有人推介金牌源記，咁就一於去試吓啦！當日係星期六晚，book左位，去到唔使點等位。點完餐，就有茶樹菇湯，開頭以為只係味精湯，點知飲落非常之鮮味，感覺好足料！點餐嘅時候，有啲菜式可以選擇調味，有啲就可以選擇海鮮切嘅方法，例如鮑魚可以選擇原隻或者介兩刀。用餐嘅時候會有侍應幫手控制蒸海鮮嘅時間，同埋分菜。而個人最喜歡，蒜蓉粉絲蒸海鮮(龍蝦、扇貝、聖子)啲海鮮好彈牙好新鮮，唔會話好梅。呢個係蒸墨魚，上面淋咗酸梅汁。初時驟眼望上去以為全部都係墨魚，點知原來白色做底嗰啲係腸粉🤣🤣🤣食到尾聲，仲有個海鮮飯，已經太飽食唔落了。但好彩有得打包！唔會嘥野。完晒成個海鮮餐，仲有滋潤嘅木瓜雪耳糖水。