影片
更多
2020-11-25
104 瀏覽
約咗個朋友食飯，佢揸車帶我去食呢間喺新田購物城嘅蒸氣海鮮，叫醉辣鮮。本身我哋兩個都鍾意蒸氣海鮮，因為原汁原味，而且健康。呢度揸車入去都幾方便，有充足嘅車位，而且車位就喺食嘢嘅地方不遠處。呢間蒸氣火鍋，幾有特色㗎，同一般嗰啲做蒸氣火鍋嘅酒樓唔同，設計較年青，好似有少少酒吧嘅感覺，假期時仲會有live band㗎，氣氛應該會好好。 呢間餐廳有幾個水缸養住龍蝦、蝦、蟹等等嘅海鮮。我哋一人叫咗一個龍蝦套餐 (一位HKD268)，加埋會有一隻 龍蝦同一隻蟹，可以自己去水缸度捉，又幾有創意喎，可以捉自己想食嗰一隻。揀好之後就交畀店員處理，然後我地就開始蒸蔬菜同埋雞件先。呢度仲有老火湯同埋溫泉蛋㗎，前菜都唔馬虎㗎又幾好食。個蒸雞有少少酒香，醃得好好味，雞肉嫩滑。雖然呢度主打海鮮，但係個雞絕對唔差㗎。 蔬菜新鮮而且乾淨企理，估唔到蒸海鮮都有咁多蔬菜揀，仲有我鍾意食嘅粟米、金菇同埋冬菇呀，蔬菜蒸完一樣咁好食，就係因為食到佢嘅鮮甜嘅原味。好快就到食海鮮嘅時間! 侍應將一大盤海鮮送上， 個陣容好鼎盛呀! 望到就覺得好豐富。 呢度有曬全部嘢食所需要蒸嘅時間參考，差唔多時間嗰啲可以一齊蒸。跟住佢蒸嘅嘢食全部都好
本身我哋兩個都鍾意蒸氣海鮮，因為原汁原味，而且健康。呢度揸車入去都幾方便，有充足嘅車位，而且車位就喺食嘢嘅地方不遠處。
呢間蒸氣火鍋，幾有特色㗎，同一般嗰啲做蒸氣火鍋嘅酒樓唔同，設計較年青，好似有少少酒吧嘅感覺，假期時仲會有live band㗎，氣氛應該會好好。
呢間餐廳有幾個水缸養住龍蝦、蝦、蟹等等嘅海鮮。
我哋一人叫咗一個龍蝦套餐 (一位HKD268)，加埋會有一隻 龍蝦同一隻蟹，可以自己去水缸度捉，又幾有創意喎，可以捉自己想食嗰一隻。
揀好之後就交畀店員處理，然後我地就開始蒸蔬菜同埋雞件先。
呢度仲有老火湯同埋溫泉蛋㗎，前菜都唔馬虎㗎又幾好食。
個蒸雞有少少酒香，醃得好好味，雞肉嫩滑。雖然呢度主打海鮮，但係個雞絕對唔差㗎。
蔬菜新鮮而且乾淨企理，估唔到蒸海鮮都有咁多蔬菜揀，仲有我鍾意食嘅粟米、金菇同埋冬菇呀，蔬菜蒸完一樣咁好食，就係因為食到佢嘅鮮甜嘅原味。
好快就到食海鮮嘅時間! 侍應將一大盤海鮮送上， 個陣容好鼎盛呀! 望到就覺得好豐富。
呢度有曬全部嘢食所需要蒸嘅時間參考，差唔多時間嗰啲可以一齊蒸。跟住佢蒸嘅嘢食全部都好好食，啱啱好。
我哋首先蒸咗個龍蝦同埋蟹先。個龍蝦好新鮮，切開咗都仲有少少郁。
雖然個龍蝦我哋每人只有半隻，但係都好夠食，因為本身都幾大隻，半隻都有啖啖肉嘅感覺好滿足， 而且仲有啲膏都幾香，肉質爽口彈牙，好正 。
隻蟹都幾好食，蟹肉嫩滑又有膏，其實每人半隻都啱啱好，我哋鍾意試多啲款式嘅海鮮。
下一樣我哋蒸蠔同埋蝦。隻蠔唔細隻，蠔肉鮮甜 。蝦就爽口彈牙。
之後我哋蒸沙白。數量都幾多㗎，食得好滿足，啲肉都幾滑，而且冇沙。全部嘅沙白都有打開曬殼，冇一隻係死㗎。 有幾隻沙白會要蒸耐少少，如果見未打開，可以逐分鐘加落去試下，然後就會有更多嘅沙白開殼㗎啦。
扇貝每人一隻，肉質鮮甜美味。
聖子大大隻，而且一啲都唔韌，又甜又好食，食得好滿足。
鮑魚每隻份量唔細隻，啖啖肉，有彈性，有嚼勁但又唔韌，好好味。
食完海鮮係時候食粥。呢個粥除咗吸收咗頭先蒸嘅嘢食嘅精華，佢本身仲有芋頭同南瓜等等嘅材料，個粥清清地又帶輕輕嘅甜味，我哋每人都食咗幾碗。
食海鮮，啲食材新鮮又靚嘅話，真係就咁蒸唔使加調味料，就已經好好食，原汁原味咁淨係食個食材本身嘅味道，呢樣我同朋友都好鍾意。 而且用蒸呢個烹調方式，除了健康，亦都唔會覺得“溜“，可以食多幾款添。
呢度都幾啱傾計㗎，想喺度嘆下海鮮吹下水，會 係個唔錯嘅選擇。
張貼
