影片
更多
2020-04-30
620 瀏覽
嚟沙田買嘢，專登去幫襯商場𥚃面唯一啱顏色嘅餐廳，好好彩時間尚早一去就有位。限聚令之下舖頭非常守規舉，明明之後出面好多人等位，枱只坐咗一半，仲要無搭枱，我地兩個人坐咗張四人枱，我都鄧佢浪費。等嘢食時間比較長，不過坐低睇下牆上面啲文宣好靚。我地叫咗一個馬來西亞蝦湯麵，同一個三蝦撈麵。三蝦撈麵嘅麵加咗蝦子，撈埋葱花少少蝦湯夠哂鮮味，質感淋淋地不過無一pat嘢咁黐埋一舊。啲蝦呢。。。有啲乾身啲蝦肉無新鮮蝦嗰種爽脆彈牙，但外表金黃色好靚，味道都幾好。菜只係好普通白恰菜，無咩特別調味，不過並唔係主角，要求無謂咁高，有棵菜健康啲又好睇啲都幾好啦。蝦湯麵嘅湯非常正，濃得嚟又唔太鹹，成碗飲哂一滴不剩。老公話仲好食過喺馬拉食嗰啲。飲咗一杯椰子白咖啡，椰子味咖啡味都好香，唔錯唔錯。食完就走lu唔阻住下一枱客嘅支持，生意難做，要加油啊
等嘢食時間比較長，不過坐低睇下牆上面啲文宣好靚。
我地叫咗一個馬來西亞蝦湯麵，同一個三蝦撈麵。三蝦撈麵嘅麵加咗蝦子，撈埋葱花少少蝦湯夠哂鮮味，質感淋淋地不過無一pat嘢咁黐埋一舊。啲蝦呢。。。有啲乾身啲蝦肉無新鮮蝦嗰種爽脆彈牙，但外表金黃色好靚，味道都幾好。菜只係好普通白恰菜，無咩特別調味，不過並唔係主角，要求無謂咁高，有棵菜健康啲又好睇啲都幾好啦。
蝦湯麵嘅湯非常正，濃得嚟又唔太鹹，成碗飲哂一滴不剩。老公話仲好食過喺馬拉食嗰啲。
飲咗一杯椰子白咖啡，椰子味咖啡味都好香，唔錯唔錯。
食完就走lu唔阻住下一枱客嘅支持，生意難做，要加油啊
張貼
