鯛魚魚湯專門店 (已結業)

又係星期六既搵食之旅喇～原本計劃要試鰂魚涌另一間食店但係搭車期間覺得呢日無食嗰樣野既心情就即刻再上網搵下鰂魚涌有咩其他選擇咦～鯛魚湯～！就揀你啦餐廳距離地鐵出口好近 唔洗係酷熱天氣下行太遠一點九行入餐廳 拉開餐廳門 就已經聞到淡淡既魚湯味呢個鐘數 餐廳八成滿一位大叔店員帶我去旁邊一排既單人面壁位我幾鐘意呢個設計 一個人黎都唔洗同對面既陌生人眼望望每個座位都預先放好一份餐牌 選擇幾多最後揀吉列蠔烏冬定食 $85加$9 凍檸水吉列蠔新鮮炸起 熱辣辣 超好味！炸漿薄薄一層 非常鬆脆一上枱就食左件所以入面既蠔仲未到全熟程度 類似蒸滑蛋咁 更顯出蠔既肥美再等耐d d蠔就會啱啱好熟哂 唔會炸到老哂呢個係我係香港食過最正既吉列蠔沙律比平時日式定食既沙律份量多好多芝麻醬非常足夠烏冬比較細身 配料豐富有娃娃菜 木耳 油豆腐皮 海帶 大蔥鯛魚湯特別鮮甜 屬清淡口味配烏冬雖然都好好食但做湯飯會更適合難怪咁多人推薦佢既湯飯一啖蠔 再一啖湯雙倍鮮味忍唔住要飲哂餐廳雖然細 座位迫左d但係服務幾好 大叔好細心 提我攪勻凍檸水底部既d糖水先飲佢之後又提我小心熱湯有笑容 態度親切走嗰陣都有再打招呼兩點鐘開始提