發哥粥底海鮮火鍋 (已結業)

所謂粥底火鍋必需要材料新鮮先可以發揮到粥底最大嘅美味, 今次嚟到大圍顯徑嘅粥底火鍋, 之前已經喺佢觀塘嘅分店食過, 至於一間都一樣咁有水準. 兩個人食一個叫龍蝦餐一個叫海蟹餐, 飲品任飲, 基本上三百蚊樓下都係可以接受. 而佢哋嘅醬油, 加有爆蒜蓉簡直一流. 啲蜆同埋啲聖子新鮮冇沙, 龍蝦同埋海蟹都十分肥美, 餘下有8款菜式畀我哋揀, 推介手打墨魚滑, 仲有佢地付送嘅燉湯, 非常之好飲又入味. 因為本身這間倫哥粥底火鍋係喺酒樓入面, 地方夠大不需要等位, 姐姐服務態度亦良好. 附帶一提小小貼士, 記得一開始就煲咗啲蜆同埋蟶子先, 因為如果有沙的話可以叫佢換湯水, 及早換湯水可以留到啲鮮味到最後食到粥.