老三火鍋 (已結業)

非常鍾意打邊爐嘅我，今日約咗個來自California嘅朋友去打邊爐。我哋揀咗位置好方便嘅老三火鍋，因為朋友話想試吓先鴨湯底，有朋友試過呢間話唔錯，所以我哋就揀咗佢！我哋揀老鴨湯底（呢個係重點），店員提示話飲完個湯先再開始打邊爐。我哋兩個都覺得個湯好有鴨尾，好清甜，真係冇揀錯。肉類方面，我哋揀咗本地手切牛，肥瘦啱啱好，好有口感之餘又唔會老，正！海鮮呢我哋就要咗個馬貝，3至4秒鐘就食得，非常鮮甜可口。另外我同佢都好鍾意食豆腐，所我哋叫咗腐皮同埋山水豆腐，兩樣火鍋料都好新鮮，再加埋番薯苗，呢一餐真係好好味同埋好健康！