新麻蒲 BBQ (形點) (已結業)

星期日晚度度都多人食野，簡單啲到家留下的商場食算了，五點多到了新麻蒲，食個下午茶+晚飯啦。時間尚早無乜客人，店內亦未有客人燒肉幾通爽。先送上涼盤三款，海帶，泡菜同蘿蔔，海帶鹹鹹地幾開胃，泡菜微辣爽口，比街賣的好味好多喎，蘿蔔很酸呀～枱上會有水瓶自己斟水，不過經過時間洗禮已變形同有點髒了。Makgeoli with strawberry & banana （$68）士多啤梨加香蕉的沙冰，還有少少酒精，甜中帶苦澀，味道不錯呀。Shark attack （$88）某炸雞店的名物鯊魚之淚這裏都有呢，變成了鯊魚襲擊啦，哈哈。藍色的沙冰好漂亮，甜甜的果醬放在鯊魚口裏，上枱時才倒中杯中，幾型喎。韓式醬油八爪魚（$128）醬油蟹就聽得啦，八爪魚就少見，點了一客試試，八爪魚很爽口，煙煙韌韌的，甜甜的醬油很入味，好吃。韓式醬油鮑魚（$118）同樣醬油鮑魚都係第一次見，又試試先，鮑魚十分爽口，厚厚的好有咬口，鮮甜的醬油味好正。燉牛排骨（$148）點了一鍋牛排骨，一鍋有好幾件，仲有粉絲底。牛排骨炆得軟腍入味，一咬已經骨肉分離，好易食。粉絲吸了湯亦很好味，湯底加了冰糖十分甜，好有糖水感覺。甜滋滋的一餐，不錯吃。