柏 (已結業)

先叫左個 玉子燒$68，味道好，但係欠缺賣相。再叫鯛魚湯烏冬$109，等二十多分鐘。老闆表示因為烏冬係新鮮即整，所以要比較耐。鯛魚湯烏冬上菜，烏冬嫩滑， 鯛魚湯 奶白 濃厚 非常鮮味，再加上大號溫泉蛋黃，有等二十分鐘既價值。結賬時提議試推出魚湯茶泡飯。然後老闆與大廚溝通，15分鐘後，便誕生了這碗餐牌沒有的 鯛魚湯茶泡飯。軟豆腐，配上三片厚鯛魚刺身，賣相比原本既烏冬更好。味道方面，豆腐非常嫩滑與魚湯非常配合， 半熟刺身配上湯飯亦非常鮮美。冇試其他菜式，但鯛魚湯完全係值得一試。