潮福蒸氣石鍋 (已結業)

一坐低，阿姐就既刻問你飲咩，服務殷勤，正好解下渴。之後，有三款頭盤小菜，略咸了一點。重頭戲係蒜蓉蒸龍蝦，半隻龍蝦咁上，龍蝦超大隻，大隻過塊面，食落啖啖肉，好juicy。之後仲食咗好多海鮮，包括鮑魚、北寄貝、海中蝦、大元貝，隻隻size都好大隻，爽口彈牙，好新鮮，重點係完全不用點醬汁食，已經好夠味。食完海鮮之後，仲有任叫各式肉丸，疏菜，包點，最令我驚喜的是蒸馬拉糕，好香，好果過平時茶樓食果d。最後，當然唔少得食最低層果鍋粥啦，之前蒸果d海鮮肉汁滲晒落低層，所以d粥食落好甜，好棉。所以最後一定要留肚食埋粥呀！