薩莉亞意式餐廳 (已搬遷) 新店位置

個標題好似好得意咁，不過點解會發生d咁既事。就下面先講落去，呢日去都唔算太多人，可能唔係返學既日子啦。蒜蓉意大利包呢個就好遲先到，不過味道都唔錯既。好香蒜蓉味，個味好好味，但次次都咁遲黎。薯角呢個係焗既，好明顯唔夠炸既好食同脆口。不過加d茄汁就好好食，算啦。焗田螺呢個都幾好食，田螺就細細粒。不過好香蒜蓉味，就已經唔錯啦。西蘭花香辣意粉其實就無乜特別，個意粉就辣辣地。不過個味道就淡得滯。牛肉漢堡pizza呢次就好好食，個芝士就拉得好長。個pizza個質感就普通啦，三十蚊就算啦。蕃茄煙肉長通粉呢個就好好食，因為好重芝士味。不過食完就好漏。其實食物就唔錯既，不過就後尾就唔係太滿意。因為我想沖鮮奶咖啡，我用牛奶沖係無問題既。不過有個肥既女侍應話呢d牛奶係沖咖啡既，你應該用咖啡奶既。嘩！我想講既係，點可能咁既。鮮奶咖啡唔係用鮮奶沖既嘛。點可能用咖啡奶架，都有d sense既。