川亭 (聯發街)

營業中

休息中

聖誕節期間，去搵間無乜人排隊嘅餐廳試下。呢間麵舖細細間，又唔算顯眼，唔專登搵可能會miss咗😂坐低睇下個餐牌就見到個酸菜魚米線幾吸引，幾醒胃咁，不過唔知佢嘅價錢啲魚會唔會好多骨，所以就冒險試下佢。酸菜魚片粉$50一上枱就聞到幾香嘅酸菜味，試下個湯唔算好辣，但非常醒胃。之後就到啲魚啦，食落去好重要嘅係無骨！第二係佢肉質非常之鮮嫰，唔會煮得好老。食得好爽，唔使就住就住啲骨，啱哂啲懶人😆真心咁嘅價錢食到，真係唔錯。不過，食到7點幾8點佢就準備收工啦，平時食lunch黎食應該唔錯。