頑固壽司 (已結業)

以為lunch set 星期一至五先有，但係呢間餐廳原來假期都有lunch set 可以叫，即刻覺得好抵，星期六日多個選擇了😚好開心。由日本大阪開到黎香港一段時間，經常睇到有報導介紹。每日新鮮運送既既刺身除左新鮮，有色澤，都唔知仲可以點讚😆。至少新鮮過平時大家熟悉既2間壽司店。😛特上海鮮丼飯 首先食佢個茶碗蛋，滑啫啫，正！之後就要介紹下鋪滿係丼飯上面既九種不同魚生塊，望落就已經好吸引，每塊刺身都好光亮。佢地分別有 牡丹蝦🦐 海膽 油甘魚 三文魚籽 三文魚🐠 松葉蟹腳🦀 鯛魚 仲有好珍貴既拖羅！好似去左日本食咁，好豐富! 份量都合適，咁多款真係要認下食邊先😋。一次過有齊我既最愛❤ 大滿足！海膽用上北海道海膽，入口即溶。🍣特上壽司拼盤十貫對面既朋友仔就叫左壽司set，上台後職員會介紹咁多款壽司，有中拖羅😍 松葉蟹腳肉  另外配左一支掃仔俾你用黎點醬油，咁樣就唔怕會夾爛舊飯，十分貼心。抵食過好食過大家平時食開既地方。