漁牧 (已結業)

今日特登同老公去咗九龍灣MegaBox，諗住去宜家傢俬買啲聖誕裝飾！行街之前梗係要去食飽飽先啦！見天氣有啲轉涼，就即刻睇吓邊度可以打翻個邊爐喇！入到去地方好大喎，裝修都唔錯！先係叫咗杯野飲，係士多啤梨加紫羅蘭嘅梳打，好味喎，連裏面嘅士多啤梨都唔太酸，酸酸甜甜好適合打邊爐飲！食雞煲之前叫咗兩個前菜！分別係黃金雞翼同埋麻辣雞腎，黃金雞翼超好食一定要叫！佢佢係將雞翼切開變成單骨，外面係炸到勁鬆脆裏面有好多汁！而麻辣雞腎都好有四川風味！首先order咗個椰子雞煲！一上菜佢即刻將兩個椰子倒左落個爐到！冇諗過真係咁足料，上街嘅時候侍應仲好細心問我需唔需要幫我調左個雞頭，超級加分！侍應話落雞之後等5分鐘就食得啦，仲好細心放咗個漏斗係我哋枱面提示時間，5分鐘一到詩經即刻過嚟提醒我哋記住飲湯先！呢個時候個湯底係最鮮甜最淸，一飲落發現原來真係好鮮甜！果然係有兩個椰青喺裏面呀！食完雞之後就喺打邊爐既時候！叫咗豬肉同埋牛肉片，你望吓牛肉片上面嘅脂肪分佈~真係唔容易喺香港可以搵到呢一個質素嘅肥牛打邊爐！平時我亦都好驚豬肉片用嚟打邊爐，因為好容易會太鞋，而今次嘅豬肉片就算淥耐左都唔會鞋，呢間打邊爐嘅配料真係好出色