海鮮島墨魚刺身專門店

營業中

休息中

上個週末同家中老爸慶祝生日，一行五人去布袋澳食海鮮，天氣又舒服，不是很曬沿著海邊走走。穿過小巷，見到大大海鮮島招牌，亦都有大魚缸，多新鮮海鮮。可以自行選擇想食嘅海鮮，我哋最後選擇四人餐，好抵食。四人餐包括：白灼生海蝦、芝士焗龍蝦伊麵、金蒜粉絲蒸海王貝四隻、清蒸沙巴龍躉 、陳皮蒸鮑魚4 隻,漁翁蜆湯郊外油菜 $1680。 在另外加咗五隻蟶子。真係非常夠飽。海蝦極度鮮甜，焗龍蝦啖啖肉，最欣賞魚翁蜆湯加咗少少胡椒同埋酸菜，飲咗兩碗都完全冇口渴好好鮮甜。整餐飯一家人都好滿意，假日中午時間都好多人幫襯，交通安排都好完善可以有專車接送到坑口地鐵站。