蠔灣 (水星街)

營業中

休息中

突然好想食生蠔，所以就去屋企附近專食生蠔既餐廳試下，呢到除左生蠔外，仲有刺身同熟食，店員介紹左四款生蠔俾我地，我地仲簡左幾款刺身同熟食試下添。店員將我地order既野拼成一個海鮮生蠔拼盤，冰底仲有藍色燈光，真係非常之吸晴，打卡真係一流。Tia Maraa Pearl 帶榛子果仁的口感，味道相對清新。Speciales Lambert No.2蠔肉厚身飽滿，細膩多層次。La Perle Noire蠔肉飽滿而滑順，鮮鹹既海水味中蘊含豐富既乳香。Grillardeau蠔肉夠厚身，富海水味而帶果香，相當獨特。北海道活赤貝原隻既新鮮赤貝刺身外表呈橙紅色、帶光澤，食落肉質爽厚，鮮味十足。北海道帶子帶子新鮮厚身又細密，味道濃郁鮮甜。北海道原隻活海膽味道十分鮮美，海膽味較濃郁，入口即溶。法國藍蝦肉質肥美結實，口感鮮甜爽彈。清酒蒜蓉煮活蜆湯 活蜆夠曬新鮮、大大隻，蜆肉鮮甜脹卜卜，濃郁清酒同洋蔥蒜香味，湯頭十分鮮甜。龍蝦忌廉意粉 龍蝦已拆肉，非常貼心，龍蝦肉十分足料，肉質彈牙，意粉很有嚼勁，配以洋蔥和橄欖油烹煮，入口順滑。