鯛魚魚湯專門店 (已結業)

今晚難得去開港島東，當然唔可以浪費呢個機會，要搵下附近有咩好嘢食！行過呢間日本嘢，未夠七點已經近乎滿坐，於是我地就決定食呢間餐廳主打湯飯。我點左鮮帶子三文魚籽湯飯，追加海膽！！！個湯飯本身已經好豐富，三文魚子同帶子份量都好多！兩樣食材都好新鮮，三文魚子非常卜卜脆，味道鮮甜！我再加$88追加海膽，成個飯即刻升Level三樣嘢一齊味道都好夾咪睇佢細細窩，食哂飯飲埋個濃郁的魚湯，其實都幾飽！羊媽媽點左鮑魚花膠魚肚魚湯湯飯，好多花膠食極都有！佢話補充左好多骨膠原而且除左花膠仲有兩隻鮑魚！呢個飯感覺上重口味少少，啱哂中意濃味嘅羊媽媽～